KA HRE NGAI LO VA CHE U

MATTHAIA 7:21-23
‘Lalpa, Lalpa’ mi ti nazawng chu vânramah an lût lo vang a; ka Pa vâna mi duh zâwng titu erawh chu an lût ang. Chumi niah chuan mi tam takin, ‘Lalpa, Lalpa, i hmingin thute kan sawiin, i hmingin ramhuaite kan hnawt chhuakin, i hmingin thil mak tam tak kan ti ṭhîn lo vem ni?’ an la ti ang. Chumi hunah chuan, ‘Nangni thil sual tite u, ka hre ngai lo a che u, ka hnên ata kal bo rawh u,’ tiin anni chu ka la hrilh ang.

Hmangaihna finfiahna ṭha chu thu awihna a ni. Kan hmangaihte chu an rilru tihnat kan hreh ṭhin. ‘Isu, ka hmangaih che’ ti si hian kan phat leh ṭhin. Thurin chu a sawi chhuah mai theih, nun chhuahpui erawh a har. Mihring kan bum thei, Pathian erawh chu kan bum thei lo. Ṭhenkhatin thu awihna tel lovin, ‘LALPA, LALPA’ an ti. Ṭhenkhat chu rinna tak tak nei si lovin thil ṭha tihah an lungawi. Miin thiltih avângin thiam an chang a, rinna avang chauh chuan a ni lo (Jak. 2:24). Rinna leh thiltih hi a kalkawp tlat tûr a ni.

Thlarau Thianghlim leh Setana hnathawh engtin nge kan hriat hran ang? Thlarau Thianghlim aṭanga chhuak chuan Isua a chawimawi a, Setana aṭanga chhuak erawh chuan mihring a chawimawi tih hi i hre reng ang u.

A rorêl thu a puang ang a,
Ringlote an khûr ang,
“Ringtute lâwmin lût rawh u,
In chatuan hmun – vânah.”

Isua thuawihin amah hnai takah i zui ang u.