IN NGHET LEH NGHET LO

MATTHAIA 7:24-25
Chutichuan, mi tin hêng ka thu hi hriaa zâwm apiang chu, mi fing, lungpui chunga in satu nên tehkhin tûr a ni. Ruahte a lo sûr a, tuite a lo lian a, thlite a lo tleh a, chu in chu a rawn nam sawk sawk a; nimahsela, a chim lo va; lungpui chunga rem tlat a nih avângin.

In nghet tûr chuan a lungphûm, a innghahchhan leh a sakna hmanrua pawh a ṭha a thlang tûr a ni. Pâwn lam lan mawina ringawt ai chuan a hmuh thei loh lam (foundation) hi uluk a pawimawh. Thlipui leh lirnghîn hunah in nghet lo chu a tlu chhe vat mai ṭhin.

Eng angin nge kan thlarau in kan sak i inenfiah ṭheuh ang u. Himna, nawmna leh thlamuanna ngawt a nih chuan a nghet , kan duh ber hi Isua Krista leh amah an ni se, A ram leh a felna (Mt. 6:33) hi dah pawimawh ila, Pathian thu ngaithlaa, hriaa zâwmte chu an nghet a, an tlo a ni. I in sak a tlo em? In nghet sak ngei tum rawh.

Isua thisen hlu chauh lo chu,
Beiseina dang rêng ka nei lo;
Lal Isua hming chauh lo hi chu,
Hming dang rêng chu ka chhuang ngam lo.

Krista, lungpui nghetah ka ding.
Hmun dang zawng chu țiau dûp a ni.

Krista, lungpui nghet chungah in sa rawh.