THLIPUI HAU REH

MATTHAIA 8:26-27
Tin, ani chuan an hnênah, “Rin tlêmte u, engah nge in hlauh?” a ti a. Chumi hnuah chuan a tho va, thlite leh dîl chu a hau va; tin, a lo reh ta ṭhuap mai a. Tin, mite chuan mak an ti hle a, “He mi hi mi eng nge a nih, thli leh dîl lam pawhin a thu an awih hi?” an ti a.

Galili dîl hi a dung lam Km 21 vêl niin a zau laiah Km 13 vêl a ni. Zirtîrte leh Isua râl lehlam kâi an tum laiin thlipui a tleh a, tuifâwnin lawng a vûr hlup hlup a, hlauhthâwnawm takin a awm ta a. Isua chu a hah hle a ni ang, a muhil an kai tho a, ‘Dîl hnênah chuan, ‘Ngawi la, awm hle hle rawh!’ a ti a. Thlî chu a bâng a, a lo reh ta ṭhuap mai a (Mk. 4:40).

Kan nunah thlipui a lo tleh châng a awm ṭhîn. Isua kan kianga a awm chuan kan hlau tûr a ni lo. Isuan thlipui a hau reh thei a, a hau reh lo a nih pawhin amah kan hnêna a awm chuan thlamuanna kan nei ang.

Thlipui tleh mah se, tui tifâwnin,
Khawdur te, khawpui te, kâwlphe êng mahin,
Lawng a tichhe thei lo, lei leh vân Lal,
A chhûnga avma kha ring selangin;
A thu lâwm takin an awih fo ṭhin,
‘Bâng, bâng rawh u.’

Harsatna, lungngaihna leh rinhlelhna thlipui a lo tlehin Isua hnênah i thlen zêl ang u.