ISUA I ZUI DUH EM?

MATTHAIA 16:24-25
Tin, Isuan a zirtîrte hnênah, “Tu pawhin mi zui a duh chuan, mahni hrehawm pawisa lovin, a kraws puin mi zui rawh se. Tu pawh a nun humhim duh apiangin a chân ang a; tu pawh keimah avânga a nun chân apiangin a humhim ang.

Isuan, “min zui rawh u, malsawmna in dawng dâwn alawm, i hnaah te, i zirlaiah te, i sumdawnnaah te i hlawhtling ang,” a ti lo. I zui duh tak tak maw, inngaihtuah chiang teh, i ti tak tak em? Mahni duh dâna awm ṭhin kha Isua duh dâna awm a ngai a. Kan nuam tih zâwng, kan hlâwkna tûr Isua zui chungin a ngaihtuah theih loh, chutiang tih chîngten an zui rei peih lo, an phat leh mai ṭhîn.

Tihduhdahte pawh tuar a ṭûl (2 Tim 3:12). Hrehawm tam tak tuara Pathian ram lût tûr kan ni (Tirh. 14:22). Isua hming avânga huat kan nih tûr leh a tâwp thlenga tuar peih chhandama an awm tûr thu kan hmu (Mt. 10:22). Isua mah an tihduhdah chuan keini pawh tihduhdah tûr kan ni dâwn lo em ni? (Jn. 15:20). Isua i zui ve dâwn em?

Ka hma lamah kraws, ka hnung lam khawvêl,
Ka hawi kîr lâwng, ka hawi kîr lâwng.

Mahni inphat nun neih loh chuan Isua a zui theih loh.