TLAN BO CHAN CHHIATZIA (JONA)
JONA 1:4
Nimahsela, Lalpa chuan thli na tak mai tuifinriatah chuan a tîr a, tuifinriatah chuan thlipui nasa tak a tleh ta a; tichuan, lawng chu keh dâwn ang maiin a awm ta a.
Ninevi khawpuia simna thu tlângaupui tûrin Pathianin Jona a tîr a. A duh loh avângin Tarsis lama tlân bo tûrin Tarsis pan tûr lawngah a chuang ve ta a. Pathian tirh lohna lama tlân bo a tum avângin tuifinriatah chuan thlipui nasa takin a nuai ta a, tuia paih thlâk ngai khawpin Pathian thununna a chungah a lo thleng a, nghapui kawchhûng aṭanga Lalpa auh ngai khawpin a chan a chhiat phah ta a nih kha!
Pathian tirhna lama kal duh lo va, mahni duhna lam kawng kan zawh ṭhin avângin mi mal leh chhûngkuaah thununna a thleng châwk. Pathianin min hman duhna a neih phawt chuan phatsan loh tûr a ni. Unaute u, tûnah pawh khân in chungah a thleng tawh hial lo maw?
