TLAN BO CHAN CHHIATZIA (FAPA TLAN BO)

TLAN BO CHAN CHHIATZIA (FAPA TLAN BO) 1

LUKA 15:15-16
Tichuan, chumi khaw lam mi, mi pakhat a va bêl a; chu mi chuan vâwk chaw pe tûrin a lo lamah a tîr a. Tin, englo kâwm vawkin an eite chuan intihpuar a duh êm êm a; tu mân eng mah an pe si lo.

Fapa tlân bo hian a pa thih hnua a ro chan tûr a la khâwm a, an dânin a phal hauh loh a pa dam laiin a dek ral vek a; khaw hla takah a tlân bopui ta a. A pawisa neih laiin nuam tak angin awm mah se, a sum neih chhunin daih rei hek lo le! A sum neih laia a ṭhianten an tlân bosan a, vawk chaw pea inhlawhna a hmu hrâm a. Vawk chaw pawhin a chil tipût khawp hialin retheihna leh tlâkchhamna khurah a tlulût ta a ni.

Khawvêl lama tlân châkin Pathian hi kan han tlân bosan ve bawk ṭhin a, kan umphâk chu lungngaihna te, beidawnna te leh inchhîrna te a ni ringawt ṭhîn. Hmangaihnaa khat kan Pathian hnênah chauh hian lâwmna kim leh thlamuanna kim hi a lo awm a ni. I tlân bosan tawh u.

2 Comments

  1. Nunchawmtu hi chhiar ve zel ka duh e

  2. Inam here

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.