HLAUHNA ATA ZALENNA

MATTHAIA 10:26-27
Chutichuan, anmahni chu hlau suh ang che u; lang lo tûra thuhrûk eng mah a awm si lo, hriat loh tûra zêp pawh eng mah a awm hek lo. Thima ka hrilh che u hi êngah sawi ang che u; beng bula in hriat hi in chunga chuangin tlângaupui ang che u.

Mihringte hi hlauhnain min tibuai fo ṭhin. Hlauhna ata zalenna kan mamawh. LALPA hnênah, a ke bulah ṭhuin a thu ngaithla ila, huaisen takin kan awm thei ang. ‘Ka thu hrilh chhâwn che u kha Pathian ata ka hmuh asin’ kan tih ve theih a ṭul.

Kan Bible hian taksa chauh tihlum thei chu hlau lo tûr leh, Gehenaa thlarau leh taksa tiboral theitu chu hlau zâwk tûrin min ti. Diabola chuan min tidawihzep a, Isua erawh chuan hlau lo tûrin min zirtîr thung, a thu i awih ang u. ‘Isua nên chuan eng pawh tâwk ila min hmangaihtu min ṭanpui theitu kan kiangah a awm,’ tiin thlamuanna kan nei thei.

Hlau suh, zâm hek suh la,
I hnênah a awm reng;
A ṭanpui zêl ang che,
Tin, i lo chak leh ang.

LALPA au rawh, a lo ṭanpui ang che.