PAKHAT PAWH A HLÛ

LUKA 15:6-7
Tin, in in thlen veleh in ṭhiante leh in vêngte in ko khâwm a, an hnênah, ‘Mi lâwmpui rawh u, ka berâm bo kha ka hmu leh ta e,’ in ti ṭhîn. Ka hrilh a che u, chutiang bawkin mi fel sawmkua leh pakua sim chuan tûr nei lote chungah ai chuan, mi sual pakhat sim chungah hian vâna mi an lâwm zâwk ang.

Judai ram hi hmun chhengchhia, ran tlâkhlum theihna a tam hle. An ranvulhte ei tuma lo châng reng ramsa an awm bawk si. Berâmpuin berâmte him duhin hrehawm pawisa lovin a vêngin a enkawl a, eitûr an hmuh theihnaah a hruai bawk ṭhin. Hei vâng hian an lalte pawh berâmpu angin an tehkhin a ni. Davidan LALPA chu min vengtu berâmpu (shepherd) tiin a sawi (Sam 23).

Berâm bo a awm chuan khaw pumin an ngaihven a, an hmuh leh chuan hlim taka auvin an lo lâwm ṭhîn. A dang a la tam êm an ti mai lo, pakhat tê pawh an tân a pawimawh a ni. Mi zawng zawng hi LALPA tân an hlu a, keini misual tân pawh thih a inhuam hi a va ropui êm! Hmangaihtu ropui a ni si.

Lal Isuan mi sual a lâwm,
Vân kalna kawng bote leh
Tlu leh muangte hnênah chuan,
He khawngaih thu puang darh la.

Isua tân mi pakhat pawh a hlu.