THUTIAMA RINAWM – JEPHTHA

RORELTUTE 11:30-31
Tin, Jephthan Lalpa hnênah chhia a chham a, “Amona thlahte hi ka kuta mi pêk takmeuh chuan, heti hi a ni ang a, Amona thlahteho hnên aṭanga râlmuanga ka hâwn leh hun chuan eng pawh ka kawngka aṭanga mi rawn hmuak hmasa ber apiang chu Lalpa ta tûr a ni ang a, hâlral thilhlan atân ka hmang ngei ngei ang,” a ti a.

Jephtha hi Gilead mi, mi chak leh huaisen tak, nawhchizuar fapa a ni a. Israel hovin a huaisen avânga rorêltua an hman a ni. Amona thlahte leh Israel-hote an inbeih dâwnah Jephtha hian Pathian hnênah chhia a chham a. Amona thlahte a hnehtîr chuan a kawngka aṭanga amah rawn hmuak hmasa ber chu Pathian tân hâlral thilhlana a hlan tûr thu a tiam a. An hneh tâkah chuan an hâwng ta a, a fanu neih chhunin a lo hmuak a, a lo intiam tawh angin Pathian hnênah a hlân ta a ni.

Pathian hmaa thutiama rinawm chanchin kan sawi rêng rênga sawi loh phal rual loh chu Jephtha chanchin hi a ni. Keini intiam ve ṭhin ngawt ai chuan a thutiamah a rinawm hlê mai. Lalpa hnêna kan thutiama ding nghet tlat tûrin min cho a ni tih i hria ang u.