KA HNÊNAH HAN KALTÎR ULA

KA HNÊNAH HAN KALTÎR ULA

MARKA 10:13-14
Tin, a deh atân a hnênah naupang tête an rawn hruai a; tin, zirtîrte chuan an lo hau va. Nimahsela, Isuan chu chu a hmuhin a lungni lo êm êm a, zirtîrteho hnênah chuan, “Naupang tête ka hnênah han kaltîr ula, hnar suh u; Pathian ram chu hetiang mite ta a ni si a.

Isuan thi tûra Jerusalem a panna kawng kein a zawh mêk a. Kalkawngah zirtîr leh tihdam rawngbâwl hna thawkin a ṭûl a, nuten an fate chu Rabbi hnênah malsâwm tûrin an hruai ṭhin, Isua hnênah pawh an rawn hruai a, zirtirte’n, ‘Kan hotupa hi a hah si tibuai hrih lo mai teh u,’ an ti a. Isuan naupangte a hmangaih êm avângin zirtîrten an lo hnar chu a zilh hau hial a ni.

Isua hmangaihtu, a zuitute hian a hmangaihte hi kan lo hnar ang tih a va hlauhawm êm! Naupang an ni emaw, nungchang lama harsatna nei leh buan lai neite chhûngkua leh khawtlângin hnar lovin Isua hnênah i hruai zâwk ang u.

Lal Isua hnênah lo kal rawh u,
A lehkhabuah kawng min entîr;
Tûnah kan hnênah hetah a ding,
Aw nêm takin min ko.

Isuan amah hmangaiha pantute a hnar ngai lo.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.