PATHIAN TILÂWM RAWNGBÂWLNA

— Chhantea (Oriela patea)
E. Lungdar

GALATIA 1:10
A nih loh leh, mihring nge ka thlêm Pathian? A nih loh leh, mihring em ni tihlâwm ka tum? Mihring tihlâwm tum ni ila, Krista bawih ka ni lo vang.

Kum eng emaw zât liamtaah khân Pastor naupang tak pakhat hi khawpui kohhran lian takah pastor hna thawk tûrin a kal dâwn a. Mite chuan khawpui kohhran lianah chuan mi leh sa an tamin mi tam tak tih lâwm a ngai dâwn si a, i huphurh em? tiin an zâwt a. Ani chuan, “Mi tam tak ti lâwm tûrin ka kal dâwn lo a, mi pakhat Pathian ti lâwm tûrin a ni pastor hna ka thawh dâwn ni,” tiin a chhâng a. He pastor hi a fakawmin a rawngbâwl chhanah a chiang hlê tih a hriat a ni.

Ni e, eng kawngah pawh Pathian rawngbâwlnaah hian Pathian lawm zâwnga rawng kan bâwl phawt chuan mihringpuite nên hi chuan kan inremin kan intilâwm tlâng êm êm a ni.

Chutihrual erawh chuan tûnlaiah hi chuan min kotu leh min thlangtu Pathian duh dân aiin kan mihringpuite duh dân te, an mitmei te hi kan vêng ta zâwk emaw tih theih a ni ta fo mai. Mihringte hi kan duh dân leh ngaihdân a inang lo ṭhûm mai si a, pakhat tih lâwm laiin pakhat kan ti lunghnûr thei. Chuvângin Pathian lâwm zâwng leh duhzâwng a rawng kan bâwl hian chunglam hian kan mihringpuite lakah pawh engkim hi min lo rem fel sak vek zâwk a lo ni ṭhîn.

Tirhkoh Paula hian Galatia (ram mite) mite zînga tlâktlum duh vâng emaw thangṭhat lâk duh vâng lam te nilovin, Pathian lâwmna atâna rawngbâwl anih zia huai takin a tlângaupui a. Chutiang nilo ila Krista bawih ka ni lo ang tiin huai takin a tlângaupui zâwk a ni.

Tûn hunah hian eng vângin nge rawng kan bâwl ve mêk hi i inennawn fo ang u.

Pathianin a thû malsâwm rawh se.