A DÎL NGUT NGUT AVÂNGIN

LUKA 11:6-8
Ka ṭhian zinin mi rawn tlawh a, a hmaa hlui tûr eng mah ka nei si lo,’ ti sela; in chhûnga miin, ‘Mi tibuai suh; tûnah zawng kawng khâr a ni a, ka fate pawh ka hnênah khumah an mu tawh a; thovin ka va pe thei lo va che,’ tiin chhâng sela; ka ti a che u, a ṭhian a nih avângin thovin a va pe lo na a, a dîl ngut ngut avângin thovin a duh zât apiang a va pe ang.

Palestina rama miten mikhual chungah ṭhat an chhuah ṭhin, chuvâng chuan Lal Isuan tehkhin thu-ah zanlaia mikhual neih chungchâng a sawi a ni. Zân a nih avângin ei tûr an lo nei tawh lo va, a ṭhian chu a va dîl a. Ani lah chuan a lo hnar a, ngênngâwl taka a dîl luih tlat avângin a tho va, a pe ta a ni.

Min hmangaihtu Pathian chuan tih tak zeta kan dîl chuan min pe ngei ang. He tehkhin thua a dîltu hian ama duhâm thil a dîl a ni lo, mi dang tân a dîl a ni. Lal Isuan mi dang tâna malsâwmna kan nih hi a duh. Krista hnêna hruai duh i nei em? Theihtâwpin bâng lovin ṭawngṭai rawh. Ṭhiante mamawh phuhrûkna tûrin zanlaiah ṭawngṭai tûrin kan tho peih em?

Ka ṭawngṭaisak fo che,(3)
Ka ṭawngṭaisak che.

Mi dang tân i ṭawngṭai ngai em?