MI THATCHHIATE HMABÂK

THUFINGTE 19:24
Mi thatchhia chuan a kut thlêngah a hnim a, A kâ han thlen leh takngial pawh a peih lo.

Mizo chanchinah mi thatchhe tak, Sâmdâla kan nei a. A ram vahnaah theipui hmin a hmu a, a lawh peih loh avângin a hnuaiah a mu a, a âng ta a. Rei vak lovah a ka chhûngah pakhat a tla lût a, a tîrah chuan a ṭhial peih lo va, a tâwpah chuan, ‘thâ chu thâ ngang ngang’ tiin a ṭhial a, a lem ta hrâm a ni, an ti. Thufingin a sawi nên hian an inan hmêl hle mai. Hetiang hian mi thatchhiate hmabâk thimzia han târlang ila –

1. Mi thatchhia chuan ram vâka a kah rawh tûr a nei lo (12:27).

2. Mi thatchhia chuan rilṭâm a tuar ang (13:15b).

3. Mi thatchhia chuan tlâkchhamna lam chauh a pan a ni (21:5b).

Pathianin hun a inzah ṭheuhvin min pe a, leilunga hausakna a dah hâi chhuak peih lo apiang an hmabâk a thim mai dâwn a ni. In chhûngkuaah thatchhe deuh an awm em le?