A LA TLÂI LO

LUKA 13:12-13
Tin, Isuan a hmuh veleh a ko va, a hnênah, “Hmeichhia, i chak lohna chuan a thlah ta a che,” a ti a. Tin, a chungah a kut a nghat a; tichuan, thawklehkhatan a ngîl ta nghâl a, Pathian a fak ta a.

Isuan a hun tâwp dâwnah inkhâwmna inah a zirtîr a, kum 18 lai ramhuai man, hmeichhe pakhat chu a ti dam a, hmeichhia chuan Pathian a fak ta a.

Sabath niin hnathawh phal a ni lo va, damlo tihdam pawh hnaah an ngai a, nunna chhanna chiah tih phal a ni a, dân bawhchhia chu tihhlum ngei tûr a ni (Ex 31:14-17). Pharisai ten a tihsual châng râna an thlîr lai pawhin Isuan a tidam hmiah mai. Isuan, ‘rante in buaipui a, eng vângin nge Sabath pawh ni se Abrahama fanu phuara awm hi ka phelh lo vang,’ a ti. I natna, harsatna Isuan a ching fel thei. Amah pan rawh, a la tlâi lo.

Inpeih lote inpeih a hun,
Sual tihchah pawh a hun ta a;
Kan tân khua a lo tlai hma hian,
Hnung lam paiha hma lam ûmin;
Ṭawngṭai leh pianthar a hun ta,
Nazaret Isua a kal lai hian.

Beidawng suh. Rei tawh mah se a tidam thei che.