HMA THLÎR – ISUA ZUI
LUKA 14:28,31
Nangni zîngah tu pawhin in sâng sak tum ula, a tîrah ṭhuin, sak zawhna khawp sum in neih leh neih loh hre tûrin, a man tûr chin tu nge chhût lo vang che u?
In sa tûr mahni sum neih chhût hmasak nachâng hre lo chu mi hmangchâng hre lo tak a ni. Chutiang bawkin lal pawhin amah râwn rûn tûra lo kal a lo beih lêt ngam loh chuan a hmâ aṭangin inrem theih nân palâi a tîr ang.
Lal Isuan amah zui duhte chu mahni kraws pua zui tûr leh chhûngte leh amahni ai pawha dah pawimawh hmasa tûrin a ti. Chân ngam leh tuar huam a kan zui a ṭûl. Mahni indah pawimawh hmasa zâwk tân chuan Lal Isua zui a har hlê ang. Kristiante tih tûr hmasa chu Isua zui man chhût hmasak hi a ni.
Isua rinawm taka zui ka tum ta, (3)
Ka hawi kîr lâwng, ka hawi kîr lâwng.
Ka hma lamah kraws ka hnung lam khawvêl (3)
Ka hawi kîr lâwng, ka hawi kîr lâwng.
Lal Isua i zui ngam dâwn em?
