FA U LUNGAWI LO

LUKA 15:29
Nimahsela, ani chuan a pa hnênah, ‘Ngai rawh, kumkhaw hei leh chen hi ka châwm chia, i thu lah hi ka awih lo ngai si lo va; ka ṭhiante nêna hlimna ka siamna tûrin kêltê pawh mi pe ngai si lo va.

Fapa tlân bo sim a a lo haw hian a pa lâwmna a luang liam a ni. Fa u erawh chu a thinrim a, in chhûngah a lût duh lo va, thlêm a ngai hial a ni. He tehkhin thu hian ring lo leh ringtu kawng bote Pathianin a hmangaih a ni tih a tilang. A hnathawh ṭhat leh thu a awih ṭhin ziate a chhuang a, a nau chu sum ei raltu a ti. Ka nau pawh ti lovin i fapa tiin a sawi ngat a ni.

Kohhranah emaw, chhûngkuaah emaw, Lal Isuan, mi sual a lawmte hi kan awm dân leh ṭawngkamin kan lo hnar ang tih a hlauhawm (Rom 3:13; 1 Kor 3:3; Gal 5:21). Pa Pathianah mi sual sim an leng vek a, Fa u lungawi i ni ang u.

Aw LALPA, sualin ka chau va,
Tûnah ka lo haw;
I khawngaihna ka ngai ta a,
LALPA, ka lo haw.

Mi dang i îtsîk nge i hmangaih?