KA IN CHU ṬAWNGṬAINA IN

MARKA 11:15
Tin, Jerusalem khua chu an thleng a, Pathian biak inah chuan a va lût a, biak ina englo zuartute leh leitute chu a hnawt chhuak ta a, tangka thlengtuho dawhkânte leh ṭhuro zuarho ṭhutphahte pawh chu a nam thlûksak bawk a.

Jerusalem Temple kawt zâwlah inthâwinaa hlan tûr an zuar a. Thil hlan tûr chu sawisel bo a nih a ngai a; a chhûnga mi chu pâwn lam aiin a lêt sawmhnih vela to a lei a ngai țhin. He sumdâwnna lian tak hi Puithiam lalber duhsak zâwngten an buaipui țhîn.

An indâwr bengchhen avângin țawngțai boruak a awm thei lo. Isuan a ngaithei lo va, an dawhkânte leh an țhutphahte a nam thlûksak a ni (Is 56:7). Suamhmang (Jer 7:11) anga mi dang sum lo chhuhsak tum ringawt chu dik a ti lo. Kan biak in hi Pathian kan pâwl tak takna leh țawngțaina hmun a ni ngei tûr a ni.

Lal Isu, ka puma fai zawh ka duh e,
Ka thinlung chhûnga awmah ka duh a che;
Milem zawng zawng leh hmêlma zawng tichhuak la,
Tûnah min sil la, vûr aiin ka vâr ang.

Keimahniah then ngai i thian thianghlim ang u.