KANA KHUAA INNEIHNA

JOHANA 2:2-8
Isua leh a zirtîrte pawh lawi chaw eiah an sâwm a. Tin, uainin a daih ta lo va, Isua nu chuan a hnênah, “Uain an tlachham ta e,” a ti a. Tin, an hnênah, “Tûnah thâl ula, ruaiṭheh fatu hnênah kalpui rawh u,” a ti a. Tin, an kalpui ta a.

Kana hi Nathanaela te khua a ni a (Jn 21:2), Isua chu mo lawmna hmunah a kal a, Isua nu hian uain an daih loh thu a rawn hrilh a, uain tlâkchham chu moneitu tân zahthlâk tâwp a ni. Isuan tui chu uainah chantîrin thil mak a ti a ni. A zirtîrte pawhin amah an ring a. A hma chuan Nathanaela chauhvin a ring (Jn 1:49).

Marin Isua hi Messia; Pathian Fapa a ni tih a hria a (Lk 1:30-32), a ring tâwk a, a sawi ang ti zêl tûrin rawngbâwltute a chah. Kan mamawhte Isua hnênah i thlen ang u, min ṭanpui a duh.

Eng nge ka rilru a mangan?
Lei chhûng hmun tina sum,
Krista Pathian Fa ta a ni,
Amah ka ṭhian a ni.

Kan mamawh hi a thiltihtheihna lan chhuahna a ni.