AN TUIHÂL LO VANG

JOHANA 4:14
“Tu pawh an hnêna ka pêk tûr tui in apiang erawh chu kumkhuain an tuihâl lo vang, keiin an hnêna tui ka pêk tûr chu an kawchhûngah tui hna a lo awm ang a, chatuana nun thlengin a chik chho vang,” a ti a.

Isuan Samari hmeichhia hnênah he khawvêl tui kan in chuan kan tui a hâl leh mai ṭhîn a, ani’n a pêk tûr erawh chu kawchhûnga tuihna awm, chatuan nun neihna a ni a ti. Samari hmeichhia hi Isuan amah a inhmuh fiah nân a pasal chungchâng a sawipui a, ani erawh chuan, Pathian biakna hmun Gerazim nge Zion tlâng dik zâwk a zâwt ve thung a. Isuan a hmunah buai lovin thlarau leh tih tak zetin Pathian chibai an bûk zâwk tûr a ni tih a hrilh.

Isua lal leh chhandamtu a pawmte chu anmahniah nunna tuihna a awm. Chu tuihna chu kumkhuain a kang lo vang a, an tuihâl leh tawh lo vang. Mi dang an hrilh chhâwng ve zêl dâwn a ni.

Tui nung lui kang ve ngai lo chuan,
Chakna thar thlarau tharin;
Min thuam thar leh ṭhin.
A vân manna Thlarau Thianghlimin,
Min chhûng khat leh ṭhîn.

Tuihâl rehna Isua i nei ve tawh em?