SAMARI MISSIONARY

SAMARI MISSIONARY

JOHANA 4:29-30
“Ka thiltih apiang mi hrilh zêltu mi pakhat a awm a, lo kal ula, en teh u; Krista a ni thei âwm em?” a ti a. Tin, anni chu khua ata chu an lo chhuak a, a hnên lam an pan ta a.

Isuan Jakoba tuichhun-chhuahah Samari hmeichhe tui châwi Pathian thu a lo hrilh chu zirtîrte chuan mak an ti hle. Isuan Pathian thu a hrilh hnuah a lo piangthar ta a. A tuibêl a kalsan a, khuaa mite hnênah a va kal ta vang vang a; Chanchin Ṭha a hriat chu a va hrilh ve ta a ni.

Khawtlânga mi chhuanawm pawh ni lo khân a pianthar ve leh Isua chu khawvêl Chhandamtu a ni ngei tih a puang a, Samari mi tam takin an hre ta a ni. Chanchin Ṭha hi tu sawi tûr nge ni ang a, eng nge tih tûr kan neih ve le?

Pên r’u, pên r’u, Kristaa nun thar neite u,
Chhim leh hmâr, chhak leh thlanga thilsiam tinrêng hnênah.
He ram Chanchin Ṭha hi hril kimin a awm hmâ loh chuan,
Châwl lovin i thawk zêl ang, LALPA thupêk zâwmin.

I Chanchin Ṭha dawn kha i hrilh darh ve dâwn em?

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.