SUAL LAKA INVÊN

THUFINGTE 4:14-15
Mi suaksual kawngah chuan lût suh la, Mi sual kawngah chuan kal suh. Pumpelh la, a kiangah kal suh; Hawisan la, kal zêl rawh.

Mizorama hri ṭha lo leh natna ṭihbaiawm tak tak HIV/AIDS, Hepatitis leh a dangte a darh chak êm êmna chhan hi kan duhthlanna ngeia sual kawng kan zawh luih tlat vâng a ni tlângpui. Sual hnaih lui tlatte avângin pawi khawih lo thisen tam tak tihbawlhhlawhin a awm chho ve ta mêk bawk a, an lainatawm hle mai.

Zu, ruihhlo, sex, HIV/AIDS etc. te hi a inkaihhnawih vek mai a. Pa ber emaw nu ber awm khawlohna zâr hi chhûngkaw tam takin a chhe zâwngin a rah kan seng a; chhûngkaw tam tak kan rûm ṭan ta mêk zâwng a nih hi! Kan Pathian thuin mi suaksual kawng zawh lo tûr leh hawisan tûra min hriattîrna hi hmangaihna leh duhsakna âw a ni tih hria ila. La zawh lote tân fîmkhur tûra hriattîrna leh zawh mêkte tân bânsan tûra hriattîrna a ni tih i hria ang u.