TUI NUNG LUI

JOHANA 7:38
Tu pawh mi ring chu, Pathian Lehkha sawi angin, tui nung luite a pumah a lo luang chhuak ang,” a ti a.

Bâwkte Kût hi Aigupta chhuahsana chhâwlbûkah an awm lai leh Pathian hruaina hriatreng nân a an hman a ni (Lev 23:33-44; Num 29:12-40). Kût ni hun hmasa lamah Isuan a zirtîr a, man an tum a, mahse a duh zâwng sawi loh phah nân a hmang chuang lo. Mipuite hnênah chuan a hnênah in tûr a awm thu a sawi.

Pathian lehkha thuin tui nung lui a sawi chu Isua a ni (Ezek 47:1; Zak 14:8). Amah kan rin chuan keimahni aṭangin a lo luang chhuak dâwn a ni. Tih tak zeta kan zawn a ṭûl. Keimahni aṭangin mi dang hnênah i luan chhuahtîr ang u (Is 58:11; Zak 14:8). Kan dawn kan pêk chhuah loh chuan dawn zêl tûr kan dang thei (Thuf 11:24-25).

Isu, tui nung lui i ni,
Nun tuihâla châu tân in tûr tak i ni;
Ka tuihâl tawh lo vang, he khawvêlah hian,
Ka nunna atân LALPA i tâwk a ni.

Tui nung lui pe chhâwngtu i ni em?