ISUA – BERÂMPU ṬHA

JOHANA 10:12-13
Inhlawhfa, berâm vêngtu tak ni lova, berâmte a ta ni lova chuan, chinghne lo kal a hmuhin berâmte a tlânsan ṭhîn; tin, chinghnia chuan berâmte a seh a, a tidarh ṭhîn; inhlawhfa a ni a, berâmte a ngaihsak loh avângin a tlân bo ṭhîn a ni.

Khawlum laiin ram hnuaiah berâm chu bang chauh nei hung chhûngah an riahpui ṭhin a. Kawngkhar pakhat chiah awmin chu chu luh leh chhuahna a ni. Berâmte an luh kim hunah berâm vêngtu chu an luh chhuahnaah chuan a mu ṭhin. Berâmte an chhuah dâwn chuan an paltlang ngei ngei a ngai a ni.

Hmangaihna nei lo va hlawh duh vâng ringawta LALPA hna thawh a hlauhawm (Mt. 6:24). Berâmpu ṭha chuan a berâmte a hre vek angin Lalpan ama tate a hria (2 Tim 2:19).

LALPA, hetah tlan sa tam tak i nei,
I tân a tâwk lovem ni?
“Hei hi ka tâ a ni,” Berampu’n a ti,
“Ka hnên ata tlân bo a nih hi;
Kawng bumboh leh sual zîngah awm mah sela,
Berâm zawngin thlalêrah ka kal dawn.”

Isua – Berâmpu ṭha nên inlaichînna i nei tawh em?