NI LEH THLA

GENESIS 1:14-15
Tin, Pathianin, “Chhûn leh zân ṭhenna tûrin vân boruak zau takah chuan êntute awm sela, chûngte chu chhinchhiahna te, hun bi te, ni te, kum te hriatna tûr ni rawh se; lei chung ên tûrin vân boruak zau takah chuan êntuahte awm bawk rawh se,” a ti a; tichuan, chutiang chu a lo ni ta a.

Ni leh thlate khi khawvêl tiêng tûr leh hun bi te, ni leh thla leh kumte kan chhiar thiam theihna tûra Pathian min pêkte an ni a. Leia chêng nunna nei zawng zawngte tân an ṭangkai êm êm a. Ni leh thla a lan loh chuan khua a thim a, kâwlphetha awm lohnaah phei chuan hna a thawh hleih theih ṭhin loh a ni.

Ni khian khawvêl a tiêngin a tilum a, chu chu nunna neite tân nuam taka min khawsaktîr theitu a ni. Ni êng leh lum hi nunna nei zawng zawngte tân damdawi ṭha tak a tling a. Buh hmunah pawh dâm buh aiin ni kang buh a hlâwk zâwk zêl ṭhin. Ni êng leh a lumna tluka ṭangkaia hman theih tûr khâwl hman ngai ta se electric bill a va sâng duh dâwn em! Lalpa thil thlâwn min pêkte hi i chhiar fo ṭhin ang u.