THUTHLUNGAH KA LUHPUI CHE

EZEKIELA 16:8
Tin, i kianga ka lo kala ka en chein, ngaih la tham i lo ni ta a, ka puan ka zâwn chia, i saruak chu ka khuh tawh a che. A ni, i hnênah chhia ka chham a, thuthlungah ka luhpui ta chia, ka ta i ni ta e,’ tih hi Lalpa PATHIAN thuchhuak a ni.

Israel fate hi Lalpan an dik lohna leh fel lohna silfaisakin an saruakte chu khuhin puan a zâwn a (Ruth 3:9), thuthlungah luhpuiin an inzawm a, an kârah hmangaihna pawh a awm. Jentailte hnêna êng puang chhuak tûrin a ruat a ni.

Kan fel leh ṭhat vâng emaw kan tlin vâng emaw ni lova faa min pawm hi a va ropui êm! Chhuan tûr kan nei lo chung pawha thu min thlunpui hi a hmangaihna leh khawngaihna avâng chauh a ni. Kan nun leh thiltihah Pathian mi, mi rintlâk a miin min hmuh theih nân ṭan i la zêl ang u.

Isua chhinchhiahte kan ni,
Dâk chhuak la, lote en rawh,
Seng khâwmtu an tlêm si;
Thu a sawi mai a tâwk zo tawh love,
I nunah ngei Isua Lalber se.

Isua chhinchhiahna putu rinawm i ni ṭheuh ang u.