NUNGCHATE

GENESIS 1:24
Tin, Pathianin, “Lei chuan thil nung anmahni chi awm dân tûr ang ṭheuhvin ran te, rannung te, ramsa te anmahni chi awm dân tûr ang ṭheuhvin chhuah rawh se,” a ti a.

Nungcha kan tih hian khawmual leh tuifinriata chêng tûra Pathianin nunna neia a siamte a kâwk deuh ber âwm e. Nungchate hi khawvêl hmuhnawma siamtu, kan mit leh beng titlaitute an ni.

Pathian hian awmze nei takin nungchate hi a siam a. Inei tawn thei tûra a siamte an nih angin sakei lam chi te chuan ran sa leh sava te an ei a, mu lam chi ten sava dang te, sazu lam te leh tuia chêng rannung te an ei bawk a. Sangha lian deuh ten a tê deuh te an ei bawk a; chutiangin rûlin sazu te, ran sa te, chungu lam chi te leh rûl dang te chaw-ah an ring veleh a. Mihring tân phei chuan nungchate hi chaw ṭha te, damdawi ṭha tak tak te leh eizawnna tam tak min petu an ni.

Hêng nungchate hi Pathian ropuizia hmuh phah nân leh a hnêna tam zâwk lâwm thu kan sawina tûr a ni tih i hre thar leh ṭheuh ang u.