ISUA I SÂWM VE ANG U

JOHANA 2:7-8
Isuan an hnênah, “Tuibêlahte tui tikhat rawh u,” a ti a. Tin, a rawng rualin an tikhat ṭheuh va. Tin, an hnênah, “Tûnah thâl ula, ruaiṭheh fatu hnênah kalpui rawh u,” a ti a. Tin, an kalpui ta a.

Juda-te inneih hian ni sarih lai a awh ṭhin a. Mo neituten ei leh in tûr theihtâwpin an buatsaih ṭhin a. Mo lawmna uain hi a tîrah a ṭha deuh an dah chhuak a, a tâwp lamah a ṭha lo deuh an dah chhuak ṭhin. Heta mo neitute hi an rethei deuh nge ni, an uain semin a daih ta lo va, uain ṭha chi lung tui bêl paruk khatin Lal Isuan a tihpunsak ta a ni. Tui uain-a chantîr hi Lal Isuan chhinchiahna a tih ṭantirhna niin Johana hian a sawi. He thu aṭang hian hêngte hi chhinchhiah ila —

1. Lal Isua sâwmtute hian an tisual ngai lo, a hun takah a ṭanpuina an dawng ṭhin.

2. Kan mualphona min hliahkhuhsak theitu chu Lal Isua hi a ni.

3. Kawng engkimah Lal Isua i sâwm ve ang u.