ISUA A ṬAP

JOHANA 11:32-35
Tin, Isuan Mari ṭap leh a rawn zuitu Juda-te ṭap chu a hmu a, a rilruin a rûm a, a lungngai a. “Ani chu khawiah nge in zalh?” a ti a. Anni chuan a hnênah, “Lalpa, lo kal la, en teh,” an ti a. Isua chu a ṭap ta a.

Aigupta hovin an lo tih dân angin Judate chuan ṭah vak hi mitthi an sûnzia lantîr naah ngaiin ṭap thiamte man chawiin an ruai ṭhin (Gen 50:10-11).

Marthi chuan a laizawn Mari chu Isua lo kal thû a rûka hrilhin a va ko va. Mari chu a tho thuai a, a lênpuituho chuan Mari chu thlânah a ṭap dâwn emaw tiin an zui a. Isuan Mari leh a zuitu Juda-te ṭap a hmuh chuan a ṭap ve hial a ni. Isuan a hmangaihte lungngai a hmuh hian a thinlung a khawih a, Biblein, ‘lungngaihnate nei mi’ (Is 53:3) a tih angin mihring famkim a nih miau avângin a ṭap ta a ni.

Zankhuaa ṭawngṭaiin,
I chakna hmang zovin i rûm maw,
I au thâwm chuan i Lalpa a kai tho,
Aw, i aw a hria, lâwma bân phar tûr i ni e,
I ṭap thâwmah i Lalpa a tho ta.

Mari ṭapin Isua a khawih angin amah au la, anin a hawisan lo vang che.