THLARAU THIANGHLIM HNATHAWH

JOHANA 16:8-11
Ani chu a lo thlen chuan sual thu-ah te, fel thu-ah te, rorêl thu-ah te khawvêl an thiam loh a hriattîr ang.

Thlarau Thianghlim chuan mahni hmasial, dik intih, indah lalber chu a dik tâwk loh leh thiam tâwk loh a hriattir a. An sualna a hriat chiantîr a. Isua chauh chu khawvêl sual tlantu a nih hriattîrin Lal leh Chhandamtua pawm thei tûrin a pui a ni.

Judaten Isua chu kal sual an ti a, Rom-ho pawhin helna chawk chhuak mai thei hruaituah an ngaih avângin khenbeh kha tisualah an inngai lo. Isua Krista zuitute vau leh thah tuma theihtâwp chhuahtu Tirhkoh Paula tidanglamtu (Tirh 9:1-9), Kum 2000 liam tawh a khenbeh a chuan mite thinlung a la khawih zêl a, chu chu Thlarau Thianghlim hnathawh vâng a ni.

Thlarau Thianghlim – nunna ber,
Awm dân danglamtîrtu tûr;
I vânram hmu ve tlâkah
Zaidamin min thlêm ve la.

I nun kaihruaitu atân Thlarau thianghlim sâwm rawh.