ISUA CHAWIMAWITU

JOHANA 16:14-15
Ani chuan kei mi chawimawi ang; ka taa mi a la ang a, in hnênah a hriattîr dâwn si che u a. Pain thil a neih zawng zawng ka ta a ni; chuvângin, ‘Ka taa mi a la ang a, in hnênah a hriattîr ang che u,’ ka tih hi.

Isuan a hun tâwp darkâr tam ni tawh lo mah se thil awm dân ṭhahnemngai takin a zirtîrte a hrilhfiah a. Kum thum chhûngin Isuan thil zawng zawng a zirtîr hman lo, Thlarauvin an hriat belh tûr a rawn zirtîr dâwn a ni.

Thlarau Thianghlim hruai kan nih leh nih loh finfiahna chu kan awm dân leh thiltihin Isua Krista a chawimawi em? tih hi a ni. Thlarau Thianghlim chuan Krista felna, thuneihna, thiltihtheihna leh ropuina a hriattîr mai ni lovin kan chan ve tûr a ni, a va lâwmawm êm!

Thlarau Thianghlim, Nang i awm chuan,
Khawvêl lungngaih a nêm ṭhin;
Sual thlipui leh buaina râl lian mah se,
I hming fakin ka zai ang e.

Isua i chawimawi ve dâwn em?