JORDAN LUI KÂN THU

JOSUA 3:15,16a
Bâwm zâwntute chu Jordan lui an va thlena, bâwm zâwntu puithiamte ke chuan vaukam tui a han rah veleh (buh seng chhûng zawng hi chuan Jordan lui hi a kuang zawng zawngah a liam reng ṭhîn a), chhak lam aṭanga tui lo luang thla lai chu a ding ta a.

Jordan lui hi Bible-a lui kan hmuhho zîngah chuan a langsâr ber a ni hial ang. Galili aṭanga luang chhuakin Tuipui thi-ah a luang lût a. Israel faten Kanaan an luh dâwn khân Pathianin dai chah tîrin lei rovah an kai a. Elisa khan Elija puanin a vua a, a lo inṭhen bawk a. Lal Isuan baptisma a channa lui a lo ni bawk a. Hêngte avâng hian a langsâr lo thei lo a ni.

Israel faten Tuipui sen an kân chungchângah khân an tih ve ngâi rêng rêng lovin Pathianin a thawhsak a, lei rovah an kai a. Jordan lui an kân dânah erawh chuan Pathianin tih tûr a pêk angin bâwm zâwntu puithiamten Jordan tui an rap phawt a, a chah tîr thung. Hei hian piantharnaah chuan min thawhsak kan rin thu leh piangthar tawhte chu an che hmasa ang a, tichuan Pathian kut an chettîr tawh zâwk dâwn a ni tih min zirtîr a ni.