ADAMA TE CHHÛNGKUA

GENESIS 4:8
Kaina chuan a nau Abela hnênah, “Lovah i feh ang,” a ti a. Tin, heti hi a ni a, lova an awm laiin Kaina chuan a nau Abela chu a bei a, a that ta mai a.

Eden huanah rûl in Evi, Pathian thusawi ringhlel tûrin a thlêm a, Pathian phal loh chu a ei ta mai a. Chhûngkaw hotu Adaman a nupui thil sual ti khap nachâng a hre lo. An fapa Kaina pawhin Abela chu a thîk a, a that a. Chhûngkuaa sawiho leh an inzilh thu kan hre lo. Adama leh Evi’n chhûngkua an enkawlnaah hlawhtling an inti bik lo hle ang.

Kristian chhûngkaw pawimawhna kan sawi nasa hle. Fate thunun lo, thunun peih lo, thunun hman loten kan thunun loh rah kan seng pawi tak tak a va tam êm! Lalpa hnênah kalin ngaihdam i dîl ang u, a theih ang anga a chhe lai siam ṭhatu ni tûrin ṭan i la ang u.

Lo chêng ve la, kan rûn chhûngan,
Hmangaihtu Lal Pathian;
Chhûngkaw puipa ber lo ni la,
Keini i hmangaih fa.

Kan chhûngkua hi vânram nge hremhmun hlimthlâ?