THUNUNNA

THUFINGTE 12:1
Thununna ngaina mi chuan hriatna a ngaina ṭhîn a, Zilhhauna haw mi erawh chu ramsa ang mai a ni.

Mihringte hi suala tlu kan nih avângin mahnia inthunun hi harsa kan ti hlawm êm êm a. Pathian ringtu kan ni emaw ni lo emaw miin thununna a ngainat a, a pawisak phawt chuan a ding chhuak nge nge ṭhin. Thununna hi mihringin kan mamawh dân a nasat avangin zirna leh thawhna hmun lamah pawh thununna ṭha taka kenkawhna hmun chu kan bawh nge nge ṭhin.

Chhûngkaw ṭha leh hlawhtling takte hi thununna ngainatu chhûngkua an ni tlângpui ṭhin. Thununtu an pawimawh rualin mi dangin zawm theih a pawimawh. Gandhi-a pawh khân, “Khawvêla mi ropui ber berte hi mi thununna hnuaia kûn tam ber berte an ni,” a ti a, a dik hlein a lang. Ramsa ang nih i hlau ang u. “Thununna duh lotu chungah chuan pachhiatna leh mualphona a thleng ang a, zilhhauna ngaisângtu erawh chu chawimawi a ni ang,” (Thuf. 13:18).