AN LÂKSAK LO VANG CHE U

JOHANA 16:22
Tin, tûnah nangni in lungngai e; nimahsela, ka hmu leh ang che u a, in thinlung a lâwm ang a, in lâwm chu tu mân an lâksak lo vang che u.

Isua zuitute chu harsatna tuar tûr leh khawvêl miten khawvêl chên tûrah kan ngai a ni mai thei. Mahse Isua zuitute lungngaih chu lâwmnaah a chang dâwn a ni. Khawvêl mite hlimhlawp bâwlna chu lungngaihnain a hmuak fo ṭhin. Hmeichhe nau veiin nau a hrin chuan a thlaphân a theihnghilh ṭhin. Chutiang bawkin zirtîrte chu lungngai mah se an lungngaih chu lâwmnaah a la chang dâwn a ni.

Lal Isuan a zirtîrte chu engkim Pa hnênah ama hminga dîl tawh tûrin a ti. Khawvêl mite hlimna chu thil thlengin a tibuai mai ṭhin, Isua zuitute erawh an lâwmna thil thlengin a tibuai lo, tuma lâksak theih a ni lo.

Khawvêlah lâwmna a kin fo,
A nawmna pawh a tâwp;
Kumkhaw lâwmna dang a awm lo,
Lal Isua fak loh zawng.

Isua hnên aṭangin lâwmna i dawng ve tawh em?