LALPA THLARAU AWMNA

2 KORINTH 3:17-18
Tin, Lalpa chu Thlarau a ni a; Lalpa Thlarau awmna apiangah zalênna a awm ṭhîn. Chutichuan, keini chu kan zain hmai khuh lovin, dârthlalang anga Lalpa chhun ênin, ropuina aṭanga ropui zêlin, chumi anpui ngeia awm tûrin tihdanglamin kan awm ṭhîn, Lalpa (Thlarau) ata chu kan hmuh ang zêlin.

Kristian chhungkaw hla phuahtu chuan —
“Tu in pawh Nang i chênna chu,
Râp in chhâwlbûk ni se;
Hlimna leh remna a tel ve,
Vân malsâwmna hlu nên,” tiin a lo phuah a.

Lalpa Thlarau awmna chhûngkua chu pâwn lamah rethei mah se a zalên a; Vânram tlafual, lei Eden a lo chang ṭhin. Chutiang zêlin nupa pawh an hlim a, nun a zângkhai ṭhin. Mo leh a pi inkâr boruak a ṭha a. Engkim a zalênin a fel vek mai a ni.

Lalpa Thlarau awm lohna leh ngampat lohnaah chuan sum leh duhâmnaten ro a rêl a. Lal Isua lal lovin khawvêl thil a lal zâwk ṭhin a. An invêng tawn ṭhim ṭhem a, boruak a zalên thei lo. Lalpa Thlarau awmna apiangah Lal Isua a lal ṭhin a, nun ho pawh a nuam ṭhin.