ABRAHAMA CHHÛNGKUA

GENESIS 22:16-18
“He thil hi i tih tâk avâng leh i fapa, i neih chhun tak pawh i ui loh avângin mal ka sâwm ngei ngei ang chia, vâna arsi zât leh tuifinriat kama ṭiauvaivut zâtin i thlahte chu ka la tipung ngei ngei ang tih leh, i thlahte chuan an dote kulh kawngkhâr chu an la neihsak ang tih leh, ka thu i awih tâk avângin i thlahah chuan khawvêla chi tin an la thawveng ang tih, mahni leh mahni inchhâlin chhia ka chham ta, Lalpan a ti,” a zuk ti a.

Abrahaman ama sahim nân Sari chu, ‘ka nuṭa a ni’ a tihtîr avângin an buai phah a. Sari hmanhmawh lutuk avângin (an hun laia an tih dânin) a bawihnu Hagari chu a pasal pâwl tûrin a pe a. Abrahama chuan hnial lovin Hagari lakah Ismaela a nei a, chhûngkua an buai tâk avangin Hagarite nufa chu hnawh chhuah an ni ta hial a ni.

Pathian thutiam nghâk lova anmahni remhriatnaa hmâ an lo la ang hian keini pawh Pathian thu zâwm lova ro kan lo rêl ve hian chhûngkua leh kohhranin a tuar thei a ni. Pathian thu kan zâwm em?

Amah kan ring tak zet em?
Min hrilh angin kan nung em?
Ama tân kan inphal em?
Rin hi thiltihah lang se.

Nu leh pa thu zâwm ila, fa thu awih kan neih phah ang.