KEIIN KHAWVÊL KA NGAM TA

JOHANA 16:32-33
Hêng thu hi in hnênah ka sawi tawh hi, keimahah hian in thlamuanna tûrin. Khawvêlah hian hrehawmin in awm ṭhîn; nimahsela, thlamuang takin awm rawh u, keiin khawvêl ka ngam ta,” a ti a.

Kan ṭhian, chhûngkhat ngeite chungah pawh eng emaw thil thleng ho tê avângin hmangaihna a dai mai ṭhîn. Huatna leh inhmêlmâknate a thleng awlsam hle. Isua erawh chuan an phatsan pawhin a hmangaih ngaiin a hmangaih reng si (Jn. 13:1).

Krawsa Isua an khenbeh chu hnehnaah khawvêlin an ngai, mahse Isuan khawvêl a hnehna a ni. Isua leh a kraws chuan tûn thlengin ram a la la a, hnehna a la chang zêl. Khawvêlah thlamuanna zawng lo va, ama hnêna thlamuanna zawng tûrin a duh (Jn. 14:27). Isuan, ‘Khawvêl ka ngam ta, nangni pawhin in hneh thei, zâm suh u,’ min ti a ni.

Pathian thu hlu chu puang ru,
Tuipui, khawpui ri angin;
Kan sual Tlantu Krista zârah,
Ropuia ngamtu kan ni.

Ropui taka ngamtu kan ni thei.