ENGKIM IN TA

1 KORINTH 3:21
Chuvângin, tu mân mihringte chhuang suh se. Engkim hi in ta a ni vek si a.

Nu pum aṭanga lo piang chhuak tawh zawng zawngte chungah hian malsâwmna kan tih leh vânduaina kan tih hi a lo thleng thei ṭheuh va. Mi ta tûr leh mi chan tûr nia kan hriatte pawh kan ta a ni ve thei vek a ni.

Lei malsâwmna kan tih — damna leh hrisêlna te, sum leh pai te, in leh lo leh hmun lo ram te hi chu dawnsawn a nuamin kan hrethiam viau zêl a. Hlawhchhamna te, natna khirh tak te leh thihna te kan chunga a lo thlen erawh chuan kan tâ tûra ngaih harsa kan ti ṭhin a. A bîk takin thihna hi tuar thiam a harsa ṭhin a, tawrh tawh tih pawh a awm vak lo. Kawppui nei chuan thi thut thei kawppui kan nei tih inhriat a, nu leh pa nei chuan thi thut thei nu leh pa kan nei tih hriat a, tu leh fa nei te pawhin thi thut thei tu leh fate kan nei tih hriat thar leh ṭhin hi a ṭha khawp mai. Motor nei pawhin accident thei kan ni tih hriat reng tûr a ni. Kan ni tin nun kan hman dânah hian ‘engkim kan ta’ a ni tih hre chunga kan hman a pawimawh tak zet a