NU LEH PA CHAWIMAWI

EPHESI 6:1-3
Naupangte u, Lalpaah chuan in nu leh in pate thu zâwm rawh u; chu chu thil dik a ni si a. I nu leh i pa chawimawi rawh (chu chu thupêk tiam nei hmasa ber a ni); chutichuan, i tân a ṭha ang a, leiah hian i dam rei bawk ang.

Thu sâwm pêk zînga hmasa ber chu nu leh pa chawimawi a ni (Ex. 21:12). Eng hnam pawh nu leh pa zah lo leh an thuneihna pawisa lo chu an tlo tak tak thei lo. Israel fate pawh Lalpan thupêk khauh tak a pe a, nu leh pa thu awih lote chu lunga den hlum hial pawh an lo tih dân a ni (Deut. 21:18-21). Israel fate Babulona sal an tân chhan pawh nu leh pa an chawimawi loh vang a nihna chen a awm (Eze. 22:7;15).

Sakhaw dang betu ten nu leh pa an chawimawiin an zah thiam hle. Pathian thu awih a, nu leh pa chawimawi hi kan tih mâkmawh tih i hre thar leh ang u.

Nu leh pa kan lei pathiante,
Thu zawm tûr Lalpan min pe;
Nu leh pa chawimawi ṭhinte,
Lalpan malsâwmna a pe.

Nu leh pa zah hi fa zawng zawngin an tih tûr a ni.