ISUA KRISTA HRIAT

JOHANA 17:3-4
Hei hi chatuana nunna a ni, nang Pathian tak chauh leh i tirh Isua Krista hriat hi. Nangin thil tih tûr mi pêk kha ka ti zo va, khawvêlah ka chawimawi tawh a che.

Puithiam Lal ṭawngṭaina hi a pawimawhin a va ropui êm! Isuan Pa Pathian hnênah amah chawimawi tûrin a ṭawngṭai a, hming zawng zawng a hming chungnung ber a pê a, Isuan kraws hmangin Pathian hmangaihna khawvêl hmuhah a rawn pho chhuak a, a thih chilh ṭhak a ni.

Pathian hriat chu amah nên inzawmna neih a ni. Isuan, ‘keimah hi kawng leh thutak leh nunna ka ni, keimaha kal lo chu tu mah Pa hnên an thleng ngai lo,’ (Jn 14:6) a ti. Isua kal tlangin Pathian kan dâwr a, Pathian ṭihbaiawm ni lo, hmangaihna Pathian min chhandam duh a ni tih kan hriat a ṭha.

Chhandamtu, chatuan nun nân,
I hnênah awm reng hi ka duh e;
I thisenin min tlêng la,
Kumkhuain min awmpui reng ang che.

Chatuan nunna i neih nân Isua ring rawh.