INREMCHEM 1-NA

JOHANA 6:12
Tin, an kham hnuin, a zirtîrte hnênah chuan, “Eng mah bo lo tûrin a bângnawite chhar rawh u,” a ti a.

Lal Isuan sangha leh chhangpêr an ei bang nâwite chhar tûra thu a pe tel kher hi chhût tham tak a awm. Tam taka tipung theitu ni mah se, Pathian hnên aṭanga malsâwmna an dawn kha eng mah lo mai maia a luan ral kha a phal lo a ni.

‘Inrenchem’ tih hian ṭûl leh mamawh atân chauhva sum leh thil dang hman thiam a kâwk. Mike Tyson-a, boxer ropui tak khân dollar maktaduai 400 chuang a hlawh chhuak a. Tyson-a hian pawisa a ren thiam lo va, a chapopui vêl bawk a. Mamawh ni lo, duh zâwng leh nawmchenna lamah a inhmang nasa a. Kum 40 a lo tlin chuan leiba dollar maktaduai 40 chuang zêt a lo nei hman hial a ni an ti. Zofate zîngah pawh hian inrechem nachâng hre lo, nei chuang bawk si lo kan tamin a lang. A tlaran zâwngin khawsak kan tichangkâng a, kan thiam si lo va, a pawi hle a ni. A hnung kan zui Lal Isua ang hian a malsâwmna luan raltîr mai mai i phal lo ang u.