KHAWVÊLIN AN HUA

JOHANA 17:14
I thu an hnênah ka pe ta e; tin, khawvêlin anni chu an hua a, khawvêla mi an nih loh avângin, kei khawvêla mi ka ni lo ang bawk hian.

Isuan a zirtîrte chu khawvêlin an hua tih a hria, a chhan chu amah pawh khawvêlin a haw tlat a lawm. Isua ber pawh ‘Beelzebula’ an ti si a (Mt. 10:25). Khawvêl huat kan hlawh anih pawhin thil thleng âwm rêng a ni. Isua pawh an tiduhdah a nih chuan a zirtîrten tihduhdah an hmachhawn chu a âwm rêng a ni. Isua ring lo an tam si a (1 Pet. 2:21).

Isua zirtîrte angin keini pawh khawvêlin min huat pawhin thil thleng ve tûr rêngah ngaih hmiah mai tûr a ni. Chanchin Ṭha êngin khawvêl mite thiltih dik loh a lantîra, Pathian duh loh zâwng haw lova kan pawm zam lutukna lamah khawvêl huat pawh kan hlawh tawh lo em ni?

Lal Isuan mi sual a lâwm,
Vân kalna kawng bote leh
Tlu leh muangte hnênah chuan,
He khawngaih thu puang darh la.

Khawvêl hriat khawpin rawng kan bâwl em?