ROCHAN FANAUTE

SAM 127:3-4
Ngai teh, fanaute hi Lalpa laka kan ro chan an ni a, rîla rah hi a lâwmman min pêk a ni. Vânglai fate chu mi chak kuta thal awmte ang hi an ni.

Ro chi hrang hrang kan neihte zîngah fanaute hi kan ro hlu berte an ni a. Ro dang zawng zawng chu vân thlenga chhawm theih a awm lo va, kan fate chu vân thlenga kan chhawm theih tûrte an ni. Hetiang a nih avang hian kan ngaihsakin kan ngai pawimawh tûr a ni.

Kan ro dahna leh dinhmunte kan hriat chian viau lai hian kan fate awmna leh dinhmun hi hriat chian loh mai a awl hle. Kan pawisa dahna chabi hrin hrangte kutah kan kawltîr phal loh viau laia kan ro hlu berte hrin hrangte kutah ngaihngam taka kan dah thei ṭhin hi thil mak tak, a chhan leh vâng pawh mahni kan inzawh fo tûr chi niin a lang.

Lalpa laka kan rochante Lalpa hnêna hruai thlen leh hi nu leh pa mawh liau liau a ni.