A LO KAL LEH ANG

TIRHKOHTE 1:11
Chu mite chuan, “Galili rama mite u, engati nge vân lam ena in din reng? He Isua, in hnên ata vâna hruai chhohva a awm hi, vâna a chho in hmu ang bawk hian amah ngei hi a lo kal leh ang,” an ti a.

Isua a lo kal leh dâwn avângin a lo kal leh tûr pawh a hrilh lâwk (Mt 16:27; 25:31; Mk 8:38; 13:26). A lo kal leh tûr chungchângah ngaihdân hrang hrang a awm:

i. Kum sâng rorêl tak tak awm lovin tûnah vân ramah Kristan ringtu thi tawhte nên ro an rêl mêk.

ii. Khawvêl mi tam takin Krista an rin hnuah a lokal ang.

iii. Ringtu thi tawhte tho lehin Isua nên kum sâng rorêl inṭan tûrah an ngai.

Isua lo kal leh kan rin dân a inang lo a ni mai thei, a lo kal leh dâwn tihah inthurual ila, a hun hriat lo tum vak a ṭul lo. Ngaihvena inring reng tûrin min duh (Mt 24:36-44). I Pathian tâwk tûrin inpeih rawh.

Lal Isua a lo kal thuai dâwn,
Lal Isua a lo kal thuai dâwn;
Hlim leh lâwma amah tâwk tûrin,
Khawvêl hawisan la, Isua pan rawh.

Tunah Isua lo kal se hlim taka hmuak tûrin i inpeih em?