INCHHÛNGKHUR AṬANGA ṬAN

DEUTERONOMY 6:6-7
Tin, hêng thu, vawiina ka pêk che u hi in thinlungah a châm reng ang a; in fate ṭhahnemngai takin in zirtîr ang a, in ina in ṭhut lai te, kawnga in kal lai te, in mut lai te, in thawh hun tein in sawi ṭhîn tûr a ni.

Juda-ho an sakhuaa an ngheh em emna chhan chu in lama inzirtîrna an ngaih pawimawh vâng a ni. Biak in lama an inzirtîrna lam ai mahin in lama an inzirtîrna hian sakhuanaah nghehna a siamsak niin a lang. Hei hi Zoram Kristiante pawhin kan entawn atân a ṭha hle ang.

Chhûngkaw tam takah chuan chhûng inkhâwm kan harsat a. Pathianni chauhva chhûng inkhâwm nei pawh kan tam hle.

Hnam dang mikhual thleng ta ila, Kristian kan nih leh nih loh hi an hre lo thei hial ang. In chhûngkhur aṭanga thutak inzirtîrna lama kan chak loh avâng hian kan Kristianna pawh hian zung nghet a kaih thei lo niin a lang.