FIMKHUR RAWH U

FIMKHUR RAWH U

TIRHKOHTE 5:38
Chuvângin, tûnah ka ti a che u, hêng mite hi tawk suh ula, awm mai rawh se; hêng an thiltih tum leh an thiltih hi, mihring tihchhuah mai a nih chuan a boral ang.

Tirhkohten Solomona hulhliapah thu an sawi a, damlo tam takin damna an chang a. Puithiam lalber ho chuan îtsîkna avângin tân inah an khung a, tihhlum hial an duh a ni. Nimahsela, zânah Lalpa vântirhkoh pakhatin a hruai chhuak a, biak inah an zirtîr nghal.

An zînga mi Gamaliela, Rabbi Hilela tupa, Pharisai, dân hretu, mi hming ṭha leh ngainat hlawh tak chuan mumal taka finfiahna an neih hma chuan Tirhkohho chu chhuahtîr rih tûrin thu a pe a. Sanhedrin ho chuan an remti a, an velh (vawi 39 vuak) zawhin an chhuah ta a ni. Thutlûkna siam zung zung leh mi dang lo dodal chiam hi ṭhat loh hun a awm fo. Gamaliela hnên aṭangin fimkhur i zir ve ang u.

Kristian, kal fimkhur rawh, hlauhawm a hnai,
Hemi khawvêla i awm chhûng zawngin;
Setana thlêmnain i vêl a dap,
Setana hneh nân i Lalpa dîl rawh.

Thutlûkna i siam hmain ngaihtuah nawn fo rawh.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.