ZIRTÎR RAWH U

MATTHAIA 28:19-20
Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u.

Isuan thu a pêk zawng zawng pawm a, zirtîr tûrin a ti a. Zirtîr kan ngâi hle. Nu leh pain an fate Pathian fa ni tûr a buatsaih leh Isua hnêna hruai hi an mawhphurhna a ni. Sande Sikula kaltîr chu an tih mâkmawh a ni. Sande Sikul hi awm ta lo se kan kohhran leh khawtlâng nun chhiat dân tûr hi ngaihtuah ngam pawh a ni lo. Hlawh nei lova ṭhahnemngai taka thawkte avângin Pathian hnênah lawm thu sawiin an tân i ṭawngṭai ṭhin ang u.

Sande Sikul kai ngai lote hi an nih tûr ang ni pha lo an awm nual ang. A kal taima takte erawh an thiltiha hlawhtling hmuh tûr an tam hle thung. Sande Sikul kal i uar zêl ang u.

Sande Sikul i kal ang u,
Mi tin tân a lo ni si;
A pui a pâng kai ho zêl se,
A hmei a pa tân a ni.