CHUNGPIK ṬHINTE 2-NA

CHUNGPIK THINTE 2-NA

THUFINGTE 23:29-30
Tute nge chungpik ṭhîna, tute nge lungngai ṭhîna, tute nge inhau ṭhîn? Tute nge thubuai nei ṭhîna, tute nge a vâng awm lova hliam tuar ṭhîna, Tute nge mit sen rêm rûm ṭhîn le? Zu hmuna awm reng ṭhînte, Zu chawhpawlh in ṭhînte an ni.

Hman aṭanga vawiin thlenga Setana hmanraw ṭha ber pakhat chu zu hi a ni. Nuihzatbura mi siamtu, insualna thlentu, lungngaihna thlentu, retheihna leh chungpikna thlentu a ni. Zir mite chuan – nupui nei zu in zînga 20% chuan nupui vuak an chîng a, 40% chuan mawi lo tak takin an nupuite an hau ṭhin an ti. Zu hi nupa inhauna thlentu leh ṭâng ṭhentîrtu langsâr ber a ni hial awm e.

Tlangval pakhat khai hlum tur chuan, “Zu in hi a pawi lo in ti maw? Zu no tinah hian khai hlumna hrui valh a awm a. Zu hian hmingṭhatna a tibo va, lung inah mi khung a, nun chhe takin min siam a, tual min thahtir a, zu-ah hian thihna a awm a ni. Ka nghawnga khai hlumna hrui valh hi zu vâng a ni,” a ti. Zu ruih hmangte hi vanram kai lo tûr Bible-in a sawi zînga mi an ni (1 Kor. 6:10).

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.