LALPA FAK

SAM 150:1-6
Lalpa chu fak rawh u. Pathian chu a hmun thianghlimah chuan fak ula; A thiltihtheihna boruak zau takah khian amah chu fak rawh u. A thiltih ropui takte avângin amah chu fak ula; A ropui nasatzia ang zelin amah chu fak rawh u. Tawtawrâwt riin amah chu fak ula; Perhkhuang leh ṭingṭangin amah chu fak rawh u. Khuangtê leh lâmin amah chu fak ula; Ṭingṭang chi hrang hrang leh phênglâwngin amah chu fak rawh u. Dârbenthek ri thûm miin amah chu fak ula; Dârbenthek ri fiak miin amah chu fak rawh u. Engkim, thaw thei tawh phawt chuan Lalpa chu fak rawh se. Lalpa chu fak rawh u.

He Sam hi a ropuiin a mawi hle mai. Châng tinte hian heng zawhna pawimawh tak tak —

1. Khawi hmunah nge Lalpa kan fak ang?

2. Eng vanga Lalpa chu fak tur nge kan nih?

3. Engtin nge Lalpa chu kan fak ang?

4. Tute nge Lalpa chu fak ang? tihte hi a chhâng nghal vek a ni.

Engtin nge in chhûngkuain Lalpa in fak ṭhin le?