PAULAN EPHESI UPATE A THLAH

TIRHKOHTE 20:28
Pathian kohhranho, ama thisena a leite chu châwm tûrin, nangmahni leh in hote zawng zawng chungah chuan fîmkhur rawh u, Thlarau Thianghlimin an chunga hotuah a siam che u hi.

Ephesi khaw mi tam tak chu Paulan rinnaa a fa ti a a koh baptisma pawh a chantîrte an ni (Tirh 19:1-7). Jerusalema kal a Spain lamah te kal zêl a tum chu Mileti-a inhmu tûrin Ephesi khaw upate a va chah a, Paula hmu tûra mêl sawmthum vêla hla va kal chu an châk êm êm a ni.

Ṭhahnemngai takin mittui nên huaisen takin harsatna kâra Pathian thu Juda leh Grik te hnênah a puan ṭhin thu a sawi chhuak a, an thisen mawh a phurh tawh loh thu a sawi bawk. An tih ve tûr kohhranho, Isuan a thisena a leite châwm tûr an nihzia a hriattîr. Ṭhahnemngai takin Lalpa thu kan hril ve thei em aw!

Mi sualte chu, an sualna zawng hawisan tûr leh
An nunna a nun theih nân i hrilh lo a nih chuan,
An khawlohnaah chuan an boral a nih mai zawngin,
An thisen mawh chu i hnênah phût leh a ni ang.

Isua chanchin hi a mamawhte hnênah hrilh rawh.